子程手記
【子程手記】到機構訓練後感
2026年10月10日(星期六)上午，甄子程應香港復康會邀請，親自拎埋錄音器材到佢哋位於橫頭磡的中心，向一眾病人互助組織的負責人分享接受訪問的技巧，令佢地係將來香港復康會製作的網上節目內，更容易透過訪問令大眾進一步了解眾病人互助組織的運作，及點樣幫助不同長期病患者互相支援的真人真事！ 一去到上堂現場，已見部份學員非常緊張地望著事先準備好的講稿準備，有部份上堂已認識我的學員更希望我在正式上課前比啲貼士佢，我就回覆說： 若我現在教左你，咁咪對一陣上堂既其他同學唔公平了，唔駛咁緊張，不如一陣正式上堂時你主動出來示範，大家都係嚟學嘢，亦是曾經滄海嘅長期病患者，是同路人，佢地唔會笑你的，聽後他便靜靜地進入課室，準備上堂了! 任何節目訪問的主要目的，是希望透過主持和被訪者一問一答，去了解被訪者身上發生的故事，而被訪者的故事往往一匹布咁長，一般大眾若有機會接受傳媒或網上訪問，表現興奮之餘，內心往往希望將自己一生各樣故事，一次過講哂出來，自以為觀眾或聽眾都會和自己一樣有興趣想聽哂，其實全世界對你故事有興趣的人只得你自己，或者身邊另一半及家人，唔認識你的聽眾同觀眾，其實對你長篇大輪既故仔係無興趣，無
